مش للأطفال وبس

عمرك سمعت قبل كده إن... سندريلا ما كانتش في الأصل حكاية ألمانية؟ دي قصة اتروت بأشكال مختلفة في ثقافات كتير، وأقدم رواية ليها كانت فرعونية. وإن حكاية الجميلة والوحش مستوحاة من وقائع حقيقية؟ والأغرب إنها مرتبطة بمتلازمة نفسية معروفة جدًا، ولو تعمقت فيها هتكتشف إنك قابلت ناس كتير في حياتك بيعانوا منها من غير ما تاخد بالك. وإن في حاجة اسمها متلازمة بينوكيو؟ اللي بيصاب بيها مش مناخيره اللي بتطوّل لما يكذب، لكن تصيبه زغطة مستمرة لحد ما يقول الحقيقة. وإن الساحرة الشريرة اللي خطفت روبانزل مش شخصية خيالية بعيدة؟ دي موجودة في بيوت كتير حوالينا... وإحنا غالبًا مش منتبهين. لو المعلومات دي جديدة عليك، يبقى تعالى نغوص سوا في العالم الساحر لأفلام الأطفال، ونكتشف إن الحكايات دي مش للأطفال وبس.